لمسة حب

نبذة عن كتاب لمسة حب

وحشتينى
بنام الليل بفكر فى عيونك لما تتبسم
بلاقى الفرحة مش سايعة وشوقى ساعتها بيقسّم
على أنغام وتر قلبى ومين غيرك بيتحكّم
تهزّى كيانى من كلمة ونظرة لقلبى بتعلم
وحشتينى
وأصحى ألاقى وجدانى بيصرخ روحتى فين منّى
يانبض الروح تعالى نروح مكاننا لسه مستنّى
يجمّعنا ف طريق واحد ويشرح ليه أخد منّى
ومنك عهد يازهرة فى بستانى ويطمنّى
وحشتينى
ونتقابل ونحكى لبعض ونتمايل على أغصان
وتتحنّى إيدينا بعهد ونتغلّب على الحرمان
نكسّر كل عقباتنا ويكفينى أكون إنسان
بيعشق فى عيونك دول ويتنسّم هوى الأوطان
وحشتينى