فصول مش فى السنة

نبذة عن كتاب فصول مش فى السنة

غجرية
ضفايرها رمان متجدل
بطول العمر لو طول
بتتغزل بيها وتنول
بكا وفرح وأحزان
في عينيها نور انطفى
م الشقا والجفا
والحمل التقيل
يتني ضهرها
وصوتها كمان اكتفى
بالصراخ والعويل
وكإنها مولودة،
من سنين كتير وعدت
ست عجوزة
ياما انتصرت،
وياما كمان اتهدت
حلقها النحاس
هلال منقوش
والنجوم دايرة في مجاله،
ما بيهربوش
والشامة ع الخد الأيمن
دي علامة الحزن،
اللي زي النجوم
مبيهربوش
وفوق شفايفها كلام
ناشف كما عمرها
والبسمة من شفايفها انزوت
وكلامها ياما نام،
في أحضان صمتها.