مبروك المدام حامل

نبذة عن كتاب مبروك المدام حامل

من لحظة ما يقولك الدكتور الجملة الشهيرة “مبروك.. المدام حامل” وتلاقي نفسك فيه كمية أحاسيس ومشاعر كتيرة بتحس بيها ومش قادر تحددها بالضبط بس همَّ قالولك إن الوقت ده تفرح فيه، ولحد ما يجي البيبي وتشيله في ايدك، وتكتشف فجأة إنك بقيت أب ومسئول عن نفس حية ترزق غير نفسك إنت ومراتك طبعاً هاتاخد وقت عشان تستوعب ايه اللي بيحصل بالضبط.”مبروك المدام حامل” كتاب ساخر عن الحمل والولادة والأمومة واللي بتحس بيه كل واحدة وهي حامل ومشاعر الأمومة مختلطة بمشاعر التعب خلال الحمل والولادة والرضاعة، وبوجه كلامي للرجالة وبوصيهم على مراتاتهم حبايبهم بشكل ساخر، ولكن لا يخلو من النصايح بجد والكتاب حايهم كل زوج إنه يقتنيه عشان بيوضحله حاجات كتير عن مراته والستات بصفة عامة ومشاعرهم، وحايهم برده كل واحدة إنها تعرف النصايح المفيدة أثناء الحمل والولادة و الرضاعة و ازاي تتعامل في المواقف المختلفة وكمان بركز في كلامي شوية للحامل في توأم عشان أنا مريت بالتجربة دي “الحمل في توأم”.