الليل مدارى عتمته
تحت الطاقية.
والعباية الخيش
من بعد ما نفض الخريف شال الخضار من فوق كتافى
سايب كفن
تحته الشجر عريان
صوت اليمام..
بين الغصون
مشوار وبادى من زمن
بيحز وش الفجر.. بالليل القديم
وبينخل الوجع- اللى بيسد الطريق للمبتدى- وبطرحة الأم اللى ماسكه كيس حلاوة،
ودمعتين..
ربط الإيدين
طوحنى ولنفس المدار
مسجون…. لعين
ملعون…… سجين
سواح وواقف منسنين
متيتمه أصوات النوارس
والبحر ما بيطرحش غير كدب الزبد
وأنا وأنتى بنعد اللى فاتنا.. ونحلمه
نلقانا ف الحلم التراب
بقلوب جراد
وعيون حجر
غير اللى اكنت فى الصور.
| العنوان |
للبحر كلام متأجل |
|---|---|
| المؤلف |
عبد اللطيف أحمد |
| الناشر |
المجلس الأعلى للثقافة |
| تاريخ النشر |
05/07/2008 |
| اللغة |
عربي |
| الحجم |
20×14 |
| عدد الصفحات |
92 |
| الطبعة |
1 |
| المجلدات |
1 |
| النوع |
ورقي غلاف عادي |
| السلسلة |
الكتاب الأول |
المراجعات
لا توجد مراجعات بعد.