كوم الخراب

نبذة عن كتاب كوم الخراب

يمكن كانت لحظة قبل الموت
لحظة حلم
بالفرح، بشكله في البدلة
البدلة اللي مهيلبسهاش غيرها المره
يمكن كان بيفكر في عروسته ومرمرها
وعيونها النخل
يمكن لحظة قبل الموت
إفتكر أنه مجابش جلاليبه من عند الخياط
يمكن إفتكر أنه ما قالش للخياط
ركبلي في الرقبة قيطان لون الحنة
كيف قدر الموت يتطلع في عيونه الجنة
المليانة عمار
وميرجعش من بكان م جه..؟!!!
كيف قدر الموت يبص في قلبه
في غيطان الأمل
في وشه اللي منور بس
عشان الفرح قريب والشوق غلاب…؟!!!
كيف الموت يجسر
ولو عنده قلب
كيف قلبه يطاوعه
يكسر خاطره..؟!!!
كيف الموت يجسر
ويخربط كوم الخراب..؟!!!!