بنات فوق ال 25 “مش حكاية بنت واحدة دي حكايتنا كلنا”

نبذة عن كتاب بنات فوق ال 25 “مش حكاية بنت واحدة دي حكايتنا كلنا”

إلي أحلي بنات
بنات فوق الخامسة وعشرين دي أول حاجة أكتبها وتطلع للنور يعني مش محترفة كتابة ولا حاجة، كل الحكاية أني واحدة منكن مش بعيد عنكوا، أنا أولاً عبرت عن نفسي ونفسي دي واحدة منكن، والموضوع أكيد ما كنش صعب لأنه مفيهوش تأليف ولا تجميل ولا تزييف. الوضوع كان فعلا لطيفا لأن قلبي وعقلي اللي كانوا بيملوني الكلام اللي باكتبه من غير أي وسيط كان كل همي إن أي واحدة فيكوا تقراه تقول فعلاً هوا ده اللي باحس بيه هوا ده اللي بافكر فيه هوا ده اللي بيحصلنا وده أكيد هيقربنا قوي من بعضنا لما نحس أن الموضوع بتاعنا كلنا.
وإنها فعلاً مش حكاية بنت واحدة دي حكايتنا كلنا.