ارتجال الوداع

نبذة عن كتاب ارتجال الوداع

اكتب تكون
وافعل بدال ما تقول
يتحد
ف المعنى ضدين بالقصيده
الحجر
ظله الصغير يترشق ف الطين
الجرح يبرق السما فلسطين
يصرخ
للزتون والتوت
“بيروت خيمتنا ونجمتنا الوحيده”
السلاح هو المؤرخ
يختفي المتفرجين
كان مرادك تبقى حي
وموش مهم إزاي وفين
والحياة
موت قليل
يقهر الموت الكتير
لما خاب ظن العدم
وبقيت كما عاوز تكون
فكرة..
حوار الحالمين
أنت اللي مغرم بالرحيل
على أي ريح كانت وكاره للوصول
بتغافل العمر اللي جارح
وانت سارح ف القمر قبل الأفول
فى لحظه ترتجل الوداع
يفلا خلودك من كمين الليل
ترحل
ويخضر السبيل.