اعرف طفلك وعلّم عليه

نبذة عن كتاب اعرف طفلك وعلّم عليه

لو لسه أم جديدة طازة، لسه مخلفة، لسه تعبانة نفسيًّا وجسمانيًّا من الحمل والولادة. بتحبي ابنك أو بنتك جدًّا لكن مش قادرة تحسي بمشاعر الأمومة اللي صدعونا بيها طول عمرنا، وحاسة إنك مش طبيعية.. يبقى ده الكتاب اللي بتدوري عليه. مفيش حاجة هتهون عليكِ كل ده غير ضحكة طفلك وهو شبعان وبيبصلك عارفك إنتِ بس. نهى الجندي بتشارك كل أم – لأول مرة – تجربتها وبحثها بأسلوب ساخر لطيف من لحظة الولادة لحد سن الحضانة. تفاصيل تغذية الطفل وكيفية التعامل مع الفرق بين توقعاتك أو اللي قالولك عليه وبين اللي بيحصل في الواقع، مرورًا بقائمة المشتريات المفيدة فعلًا وإيه اللي ممكن تتجنبيه. وكمان أفكار نشاطات مشتركة مع طفلك ونصائح مش هتلاقيها في كتالوج الجدات؛ وكله من واقع يومياتها مع طفلتها الأولى. فلقد وجدت اهتمامها في مجال التربية منذ ولادة ابنتها الكبرى رقية، وكرست قراءاتها وكتاباتها لهذا المجال، وتعمل على تدوين تطور حياة ابنتها سنة بسنة وما واجهته من صعوبات في أثناء تربية أولادها؛ لعل وعسى أمهات أخريات يستفدن من التجربة، أو على الأقل يشعرن بالدعم النفسي أنهن لسن وحدهن.